Қўшимча функционаллар
-
Тунги кўриниш
Apple янги iPhone 17 смартфонларини тақдим этди
Кучли процессор ва камерага эга iPhone 17, рекорд даражадаги юпқа iPhone Air, автономлик рекордига эга iPhone 17 Pro ва янги совутиш тизимини олган iPhone 17 Pro Max тақдим этилди. Шунингдек, Apple янги смартфонлар нархини оширди.
iPhone 17
Apple компанияси янги iPhone 17 смартфонини тақдим этди. У 6 ядроли А19 процессори, катталаштирилган экран ва 256 Gb бошланғич хотирага эга бўлади.
Смартфон бешта рангда чиқарилади ва қурилмани бурмасдан вертикал ёки горизонтал ҳолатда суратга олиши мумкин бўлган янги фронтал камерага эга бўлади.
Асосий хусусиятлар: диагонали 6,3 дюйм, экран частотаси 120 Гц, Ceramic Shield 2, Always On Display, ёрқинлик 3000 нит, 6 ядроли А19 CPU ва 5 ядроли GPU. Смартфоннинг автономлиги iPhone 16 га қараганда 8 соат кўпроқ видео.
iPhone 17 камераси кучайтирилди. Ултракенг объектив олиб ташланди, унинг ўрнига 2 марта катталаштирадиган 12 Mp телевик ўрнатилди. Асосий сенсор 48 Mp. Фронтал камера 12 дан 18 MP гача янгиланди ва саҳнани аниқлаш функцияси қўшилди.
Рекорд даражадаги юпқа iPhone Air тақдим этилди
Корпуснинг қалинлиги атиги 5,6 мм. Шунингдек, дисплей ProMotion технологиясига эга.
Apple компанияси рекорд даражада юпқа бўлган iPhone Air смартфонини тақдим этди. Корпуснинг қалинлиги атиги 5,6 мм.
Дисплей ProMotion технологиясига эга. Ceramic Shield олдинги моделларга қараганда тўрт баравар кучлироқ. Титан рамка 80 фоиз қайта ишланган материаллардан тайёрланган. Смартфон тўрт хил рангда чиқарилади.
iPhone Air А19 Pro процессорида ишлайди. Камчиликлардан бири - унда фақат битта камера бўлади: 48 MP аниқлик билан. Фронтал камера ҳам янги - 18 MP. Кўринишидан iPhone 17 билан бир хил.
Яна бир камчилиги – батарея. Apple анъанавий равишда аккумулятор сиғимини ошкор қилмайди, лекин у кун бўйи ишлайди деб таъкидлайди. Аммо, афтидан, бу фақат магнитли пауэрбанк билан.
iPhone 17 Pro ва iPhone 17 Pro Мах тақдим этилди
Янги металл камера блоки, алюминий корпус ва каттароқ батарея учун жуда қалин корпус.
Битта қувватлашдан олинган 39 соатлик видео рекорди. Энергия тежамкор А19 Pro процессори билан биргаликда iPhone 17 Pro бутун iPhone тарихидаги автономлик рекордини ўрнатади.
Биринчи марта учала камера ҳам 48 мегапикселли бўлади. Бу сифатни йўқотмасдан кадрлаш имкониятларини кенгайтиради ва 8К ўлчамда суратга олишга йўл очади.
Янги techWoven ғилофлари. Бу йил Apple муваффақиятсиз FineWoven ғилофларини TechWoven матоли ғилофларига алмаштиради.
iPhone 17 Pro 6,3 дюйм ўлчам, А19 Pro чипи, иккала томондан янги Cermaic Shield 2 совутиш тизими, 48 MP сиғимли 4х телефото.
iPhone 17 Pro Max 6,9 дюйм ўлчам, А19 Pro чипи, иккала томондан янги Cermaic Shield 2 совутиш тизими, 48 MP сиғимли 4х телефото.
Apple деярли барча янги iPhone’лар нархини оширди.
iPhone 16e нархи $599 дан бошланади;
iPhone 17 нархи $799 дан бошланади;
iPhone Air - $999 дан бошланади;
iPhone 17 Pro - 1099$ дан бошланади.
iPhone 17 Pro Max - 1199$ дан бошланади.
Барча смартфонлар 19 сентябрдан сотувга чиқади.
