Зеленский: Россия Полшадаги дронларга қаттиқ реакция кўрмади

Украина президенти Володимир Зеленский Ғарб етакчиларининг Россия учувчисиз учоқларининг Полша ҳаво ҳудудига бостириб киришига муносабатини етарли эмас деб атади. Зеленский бу ҳақда 10 сентябр, чоршанба куни айтди.

«Афсуски, бугунги кунга келиб, Россия жаҳон етакчиларидан руслар қилаётган ишларга қаттиқ муносабат кўргани йўқ — айнан ҳаракатдаги реакцияни. Кўп баёнотлар бор, лекин ҳали ҳам ҳаракатлар етишмаяпти», деди у кечки видеомурожаатида.

Украина президентининг сўзларига кўра, Москва бундай ҳаракатлари билан «имконият чегараларини синаб кўрмоқда». «Улар реакцияни синовдан ўтказмоқда. Улар НАТО мамлакатлари қуролли кучлари қандай ҳаракат қилаётганини, нима қила олиши ва нима қила олмаслигини кўрмоқда», деди Зеленский Россия «Полшани шарманда қилишга уринаётганини» эълон қилиб. «Кучли қарши чора қуриш муҳим — шундай бўлиши керак. Украина ҳаво ҳудудини мувофиқлаштирилган, ўйланган ҳолда биргаликда ҳимоя қилишни таклиф қилмоқда», — дея таъкидлади президент.