Zelenskiy: Rossiya Polshadagi dronlarga qattiq reaksiya ko‘rmadi

Ukraina prezidenti Volodimir Zelenskiy G‘arb yetakchilarining Rossiya uchuvchisiz uchoqlarining Polsha havo hududiga bostirib kirishiga munosabatini yetarli emas deb atadi. Zelenskiy bu haqda 10 sentabr, chorshanba kuni aytdi.

«Afsuski, bugungi kunga kelib, Rossiya jahon yetakchilaridan ruslar qilayotgan ishlarga qattiq munosabat ko‘rgani yo‘q — aynan harakatdagi reaksiyani. Ko‘p bayonotlar bor, lekin hali ham harakatlar yetishmayapti», dedi u kechki videomurojaatida.

Ukraina prezidentining so‘zlariga ko‘ra, Moskva bunday harakatlari bilan «imkoniyat chegaralarini sinab ko‘rmoqda». «Ular reaksiyani sinovdan o‘tkazmoqda. Ular NATO mamlakatlari qurolli kuchlari qanday harakat qilayotganini, nima qila olishi va nima qila olmasligini ko‘rmoqda», dedi Zelenskiy Rossiya «Polshani sharmanda qilishga urinayotganini» e’lon qilib. «Kuchli qarshi chora qurish muhim — shunday bo‘lishi kerak. Ukraina havo hududini muvofiqlashtirilgan, o‘ylangan holda birgalikda himoya qilishni taklif qilmoqda», — deya ta’kidladi prezident.