Дубайда дунёдаги энг баланд меҳмонхона қурилди

Дубай рекордлар пойтахти мақомини яна бир бор тасдиқлади: сайёрадаги энг баланд меҳмонхона Ciel Dubai Marina 2025 йилнинг ноябр ойида Бирлашган Араб Амирликлари (БАА)нинг энг йирик шаҳрида очилади.

Фото: Dubai Media Office

377 метр баландликдаги бино нуфузли Dubai Marina туманида жойлашган ва амирликнинг янги меъморий тимсолига айланади. У 356 метр баландликдаги Шайх Зайд шоссесидаги Gevora меҳмонхонасидан ўтиб кетади.

Меҳмонхона NORR Group архитектура студияси томонидан лойиҳалаштирилган ва The First Group компанияси томонидан пудратчи China Railway 18th Bureau Group of Dubai иштирокида қурилган. Меҳмонхона InterContinental Hotels Group (IHG) таркибига кирувчи Vignette Collection бренди остидаги The First Group Hospitality томонидан бошқарилади.

Ciel Dubai Marina'нинг ўзига хос хусусиятлари:

Форс кўрфази панорама манзарасини тақдим этувчи 82 қават ва 1004 хона ва апартамент;
ноёб 12 қаватли атриум-боғ;
тахминан 353 метр баландликдаги ресторан;
306 метр баландликдаги сузиш ҳавзаси, у дунёдаги энг баланди бўлади;
саккизта ресторан ва бар;
Dubai Marina соҳилбўйига, сув таксилари, Dubai Marina Mall савдо марказига, трамвай ва метро бекатларига тўғридан тўғри чиқиш.

Ciel Dubai Marina «энг баланд меҳмонхона» унвонидан ташқари яна иккита жаҳон рекордига даъвогарлик қилмоқда: энг баланд сузиш ҳавзаси ва энг баланд клуб. Очилишдан кейин Гиннеснинг рекордлар китоби буни расман тан олиши кутилмоқда.

Тайёрлаган: Отабек Матназаров

#Дубай #меҳмонхона