ҲАМАС Трампни Ғазода ўт очишни тўхтатишни кафолатлашга чақирди

Фаластин ҳаракати ўт очишнинг тўхтатилиши эвазига гаровдаги исроилликларнинг ярмини озод қилишни таклиф этгани таъкидланмоқда.

Фото: Anadolu/Getty Images

Фаластиннинг ҲАМАС ҳаракати АҚШ президенти Доналд Трампга гаровга олинган исроилликларнинг ярмини озод қилиш шарти билан шахсий мактуб тайёрлади - бунинг эвазига 60 кунлик ўт очишни тўхтатишни кафолатлаш таклиф қилинмоқда. Бу ҳақда Fox News ўз манбаларига таяниб хабар берди.

Телеканал маълумотларига кўра, мактуб ҳозир қатарлик воситачиларда. У «шу ҳафтадаёқ» Оқ уй раҳбарига етказилиши кутилмоқда.

Ўтган шанба куни ҲАМАС ҳарбий қаноти гаровга олинган 47 кишининг суратини эълон қилиб, Исроил армиясининг Ғазодаги операцияси муносабати билан «улар билан хайрлашишга» чақирди. Улар деярли икки йилдан бери тутқунликда сақланмоқда.

Шу йил май ойида Исроил «Гедеон аравалари» операцияси доирасида Ғазо секторида янги кенг кўламли ҳужумни бошлади, шундан сўнг ҲАМАС ўт очишни тўхтатиш бўйича музокараларга қайтишга қарор қилди.