Ғазодаги вайроналар остида 10 минглаб фаластинликларнинг жасади қолмоқда – ОАВ

Ғазо секторида ҳалок бўлган фаластинликларнинг 10 мингга яқин жасади вайроналар остида қолмоқда. Бу ҳақда Қатарнинг «Ал-Жазира» телеканалига таяниб, «Коммерсант» хабар берди.

Канал суҳбатдошининг айтишича, биргина Ғазо шаҳрида вайроналар остидан 4 минг нафар маҳаллий аҳолининг жасади ҳали ҳам топилмаган. Унинг сўзларига кўра, жасадларни қидириш учун махсус техника керак, улар жанговар ҳаракатлар тўхтатилганига қарамай, Ғазода йўқ.

Исроил ва ҲАМАС 9 октябрь куни АҚШ президенти Доналд Трамп томонидан тақдим этилган биринчи тинчлик режасини амалга ошириш тўғрисидаги битимни имзолади. Эртаси куни ўт очишни тўхтатиш режими кучга кирди. Бир кун аввал ЦАҲАЛ келишув шартларини бузиб, Ғазо секторидаги ҲАМАС объектларига ҳужум қилган эди. Исроил армияси кетма-кет зарбалардан сўнг сулҳга қайтганини эълон қилди.