ADM Jizzakh Kia автомобилларини Тожикистонга экспортни йўлга қўйди

Kia компаниясининг Ўзбекистондаги расмий дистрибютори ҳисобланган ADM Global компаниялар гуруҳи Тожикистон Республикасига автомобиллар экспорти бошланганини эълон қилди. 2025 йил 13 октябрда Sonet, Seltos, Sportage ва K5 моделларининг илк партияси ADM Jizzakh заводидан Kia компаниясининг Душанбедаги расмий дилерига жўнатилди.

Фото: ADM Jizzakh

Ушбу воқеа Ўзбекистон автомобил саноатининг экспорт йўналишини ривожлантириш ва Kia брендининг Марказий Осиёдаги мавқеини мустаҳкамлашда муҳим босқич бўлди. ADM Global компаниялар гуруҳи таркибига кирувчи ADM Jizzakh заводида ишлаб чиқарилаётган автомобиллар маҳаллийлаштириш ва йиғишнинг юқори даражасини тасдиқлаган ҳолда халқаро сифат ва хавфсизлик стандартларига тўлиқ жавоб беради.

Яқин вақт ичида Душанбеда Kia компаниясининг флагман шоуруми очилиб, у Тожикистонда бренд автомобилларини сотиш ва хизмат кўрсатишнинг асосий марказига айланади. Бу ерда Kiaʼнинг барча сўнгги моделлари, шунингдек, техник хизмат кўрсатишдан тортиб, асл эҳтиёт қисмлар дастуригача бўлган барча сервис хизматлари тақдим этилади.

Тожикистонга экспортнинг бошланиши етказиб бериш географиясини кенгайтириш ва экспорт салоҳиятини мустаҳкамлаш бўйича ADM Global стратегиясининг мантиқий давоми бўлди. 2025 йил баҳорида Қирғизистонга экспорт муваффақиятли йўлга қўйилгандан сўнг, Тожикистон бозорига кириб бориш бренднинг ишончли ривожланаётгани ва Ўзбекистон автомобилсозлик саноатининг минтақавий марказ сифатидаги ўрни ортиб бораётганини кўрсатмоқда.

ADM Jizzakh ҳар бир янги экспорт йўналиши билан Ўзбекистоннинг халқаро стандартларга жавоб берадиган замонавий автомобилларнинг ишончли ишлаб чиқарувчиси сифатидаги обрўсини мустаҳкамламоқда.

Сайт | Электрон почта

ADM Global

Instagram | Facebook | YouTube | X | LinkedIn

ADM Jizzakh

Telegram | Instagram | Facebook | YouTube

Реклама ҳуқуқи асосида

#Kia #ADM Jizzakh

Kun.uz янгиликларини Google News'да кузатинг

+ Обуна бўлиш