Смартфонлар бозорида 2025 йил етакчилари аниқланди

Samsung қаторасига иккинчи йил пешқадамликни ушлаб турибди.

Фото: Shutterstock

Жанубий Кореянинг Samsung компанияси рақобат кучайганига қарамай, смартфонлар бозорида етакчиликни сақлаб қолди. Omdia таҳлилий компанияси маълумотларига кўра, 2025 йилнинг учинчи чорагида компания глобал таъминотни 6 фоизга - 57,5 миллиондан 60,6 миллионгача оширди. Мутахассисларнинг фикрича, бу муваффақиятда Galaxy Z Fold 7 ва бошқа буклама смартфонларнинг юқори сотуви муҳим роль ўйнаган.

Apple ҳам ижобий динамикани кўрсатиб, сотувларни 4 фоизга оширди. Компания 18 фоизлик улуш билан иккинчи ўринда қолди, Samsung эса бозорнинг 19 фоизини эгаллаб турибди. Бу кетма-кет иккинчи йил бўлиб, корейс гиганти 2024 йилги инқилобдан кейин бошланган етакчиликни сақлаб қолмоқда.

Умуман олганда, смартфонларнинг жаҳон бозоридаги улуши деярли ўзгармади. Учинчи ўринни бозорнинг 14 фоизи билан Xiaomi, тўртинчи ўринни Tecno ва Infinix брендларига эгалик қилувчи Transsion (9 фоиз), бешинчи ўринни эса Vivo (9 фоиз) эгаллади.

Тайёрлаган: Сардор Юсупов

#Samsung #Apple #Смартфон