Хитой ҳиссаси қарийб 99 фоиз: 9 ойда электромобил импорти кескин ўсди

Миллий статистика қўмитаси маълумотларига кўра, 2025 йил январ–сентябр ойларида Ўзбекистонга 16 та давлатдан қиймати 473 млн доллар бўлган 40 345 дона электромобил импорт қилинди. Бу ўтган йилнинг шу даврига нисбатан 24 140 донага кўп, яъни қарийб 2,5 баравар ўсишдир.

Жами ҳажм 40 345 донани ташкил этди (2024 йилнинг шу даврига нисбатан +24 140). Электромобиллар қиймати: 473 млн доллар. Тахминий ўртача контракт қиймати: ≈11,7 минг доллар/авто (473 млн / 40 345).

Етказиб берувчи давлатлар кесими:

Хитой — 39 798 дона (улуши тахминан 98,6 фоиз);
Ҳонгконг — 249 дона;
Корея Республикаси — 165 дона;
Германия — 43 дона;
АҚШ — 25 дона;
бошқа давлатлар — 65 дона.

Импорт ҳажмидаги жадал ўсиш ички бозорда электромобилларга талаб кучайганини кўрсатмоқда. Тузилмада Хитой ишлаб чиқарувчилари мутлақ устунликка эга. Ҳонгконг ва Корея орқали етказиб беришлар улуши нисбатан кичик. Ўртача контракт қиймати 11–12 минг доллар атрофидаги сегмент ҳиссаси юқори эканини англатади.

Тайёрлаган: Отабек Матназаров

#Хитой #импорт #электромобил