Қозоғистонда ЛГБТ тарғиботини тақиқлаш тўғрисидаги қонун қабул қилинди

Энди Қозоғистонда ЛГБТ ҳақида фильмлар, рекламалар ва ижтимоий тармоқлардаги ҳар қандай эслатмалар қонундан ташқари бўлиши мумкин.

Фото: Getty images

Қозоғистон Мажлиси иккинчи ўқишда ЛГБТ тарғиботини тақиқлаш тўғрисидаги ўзгартиришларни қонунчиликка қабул қилди, деб хабар берди Tengrinews. Ўзгаришлар бир вақтнинг ўзида тўққизта қонунга таъсир кўрсатди: бола ҳуқуқлари, реклама, алоқа, маданият, таълим, кино, оммавий ахборот воситалари ва онлайн платформалар. Энди Қозоғистонда ЛГБТ ҳақида фильмлар, рекламалар ва ижтимоий тармоқлардаги ҳар қандай эслатмалар қонундан ташқари бўлиши мумкин.

Тузатишлар «ноанъанавий йўналишни тарғиб қилиш» тушунчасини киритади ва уни оммавий ахборот воситаларида, онлайн ва телекоммуникация каналларида тарқатишни тақиқлайди. Чекловларни бузганлик учун қандай жазолар назарда тутилгани ҳозирча маълум қилинмаган.

Тақиқ қонун лойиҳаси Сенат томонидан маъқулланиб, президент Қосим-Жўмарт Тўқаев томонидан имзолангандан сўнг кучга киради.

Депутат Елнур Бейсенбаев Мажлис йиғилишида чекловлар ЛГБТ ҳамжамиятига тааллуқли эмаслигини, балки фақат у ҳақидаги маълумотларни оммага тарқатишга қаратилганини таъкидлади.

Тайёрлаган: Сардор Юсупов

#Қозоғистон #тарғибот #ЛГБТ