Тезкор тадбирларда валюта айирбошлашнинг ноқонуний схемалари аниқланди

Бош прокуратура ҳузуридаги Департамент ва ички ишлар органлари ҳамкорлигида Шаҳрихон, Бекобод, Ғиждувон ва Касби туманларида ўтказилган рейдлар давомида ноқонуний валюта айирбошлаш билан шуғулланган бир неча шахс ашёвий далиллар билан ушланди. Ҳолатлар бўйича ЖКнинг 177-моддаси билан жиноят ишлари қўзғатилди.

Фото: Бош прокуратура ҳузуридаги департамент

Тезкор тадбирлар:

Шаҳрихон тумани. И.А. фуқаро С.Қ.га 4000 долларни 48,6 млн сўмга сотиш пайтида ушланган;
Бекобод тумани. Б.М. фуқаро Г.А.га 4000 долларни 48 млн сўмга сотиш чоғида қўлга олинган;
Ғиждувон тумани. Ш.И. фуқаро Р.Н.дан 3800 долларни 45,6 млн сўмга сотиб олаётганда ушланди;
Касби тумани. Т.Қ. фуқаро Н.Х.га 3600 долларни 43,9 млн сўмга сотиш вақтида тўхтатилган.

Маълум қилинишича, барча ҳолатларда пул маблағлари ва ҳужжатлар ашёвий далил сифатида расмийлаштирилган. Терговга қадар текширув ва процессуал ҳаракатлар давом этмоқда.

Ўзбекистон Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилди. Мазкур модда диспозициясига мувофиқ жазо чоралари суд томонидан белгиланади.