Қишлоқ хўжалиги ерлари норматив қийматини аниқлаш тартиби тасдиқланди

Ҳукумат қарори (744-сон, 26.11.2025 й.) билан “Қишлоқ хўжалигига мўлжалланган ерларнинг норматив қийматини аниқлаш тартиби тўғрисида”ги низом тасдиқланди.

Низомга мувофиқ, қишлоқ хўжалигига мўлжалланган ерларнинг норматив қиймати қуйидагиларни ҳисобга олган ҳолда аниқланади:

• белгиланган норматив кўрсаткичлар;
• ер кадастри маълумотлари;
• экилган қишлоқ хўжалиги экинлари тузилмаси;
• тупроқнинг бонитет балли.

Ҳисоб-китоблар фойда ва рентабелликка асосланган даромадли ёндашув орқали амалга оширилади.

Қишлоқ хўжалиги товар ишлаб чиқарувчиларининг қишлоқ хўжалигига мўлжалланган ерлари норматив қийматни аниқлаш объекти ҳисобланади.

Норматив қийматни аниқлаш:

• Қишлоқ хўжалиги вазирлигининг “Ўздаверлойиҳа” давлат илмий-лойиҳалаш институти томонидан амалга оширилади;
• натижалари давлат ер кадастрига киритилади.

Ҳар бир қишлоқ хўжалиги товар ишлаб чиқарувчиси бўйича қишлоқ хўжалиги экин майдонлари ва бошқа баҳоланган ерларнинг норматив қиймати тўғрисида маълумотнома тузилади.

Ушбу маълумотнома:

• қишлоқ хўжалиги товар ишлаб чиқарувчисига топшириш учун
• “Электрон ҳукумат” тизими орқали Солиқ қўмитасига юборилади.

Норматив қийматнинг ҳисоб-китоби натижалари минг сўмгача бўлган аниқликда тақдим этилиши белгиланган.