10 минг аҳолига қанча шифокор тўғри келади? Расмий кўрсаткичлар эълон қилинди

2025 йил 1 январ ҳолатига Ўзбекистонда ҳар 10 минг аҳолига ўртача 28,6 нафар шифокор тўғри келади. Ихтисосликлар кесимида ҳам шифокорлар билан таъминланганлик даражаси аниқ рақамлар билан очиқланди.

Фото: Соғлиқни сақлаш вазирлиги

Миллий статистика қўмитаси маълумотларига кўра, аҳолининг шифокорлар билан таъминланиш даражаси қуйидагича (ҳар 10 000 аҳолига нисбатан):

терапевтик ихтисослиги бўйича – 10,8 нафар;
жарроҳлик ихтисослиги бўйича – 3,3 нафар;
акушер-гинекологлар (10 000 аёлга) – 3,2 нафар;
педиатрлар (0–14 ёшдаги 10 000 болага) – 8,3 нафар;
педиатрлар (0–17 ёшдаги 10 000 болага) – 7,1 нафар;
офталмологлар – 0,5 нафар;
отоларингологлар – 0,6 нафар;
фтизиатрлар – 0,2 нафар;
невропатологлар – 0,9 нафар;
психиатрлар – 0,3 нафар;
дерматовенерологлар – 0,3 нафар;
стоматологлар – 3,3 нафар;
санитария-эпидемиология гуруҳи шифокорлари – 1,4 нафар;
рентгенологлар ва радиологлар – 0,4 нафар;
онкологлар – 0,3 нафар.

Маълумотларда қайд этилишича, умумий таъминотда терапевт ва педиатрлар нисбатан юқори улушни эгаллаётган бўлса, онколог, фтизиатр ва психиатр каби тор мутахассислар сони нисбатан камроқ.