Apple iPhone’да Face ID’дан воз кечмоқда

Инсайдларга кўра, Apple букланадиган iPhone Fold’да Face ID’дан фойдаланмайди. Компания унинг ўрнига илгари машҳур бўлган Touch ID’ни қайтаришни режалаштиряпти. Бармоқ изи сканери қурилманинг ён томонидаги Power тугмасига жойлаштирилади.

Touch ID охирги марта 2022 йилдаги iPhone SE’да ишлатилган, асосий флагман моделларда эса у 2017 йилдан бери йўқ эди. Энди эса у Apple’нинг энг қиммат ва энг кутилaётган iPhone’ида яна пайдо бўлиши мумкин.

Бунга асосий сабаб қурилма дизайни билан боғлиқ. Face ID ва экран остидаги сканерлар ички қисмда кўп жой эгаллайди. Букланадиган iPhone эса рақобатчилардан қалин бўлиб кўринмаслиги керак. Бундан ташқари, қурилмани ёпиқ ва очиқ ҳолатда қулфдан чиқариш учун икки хил Face ID тизими талаб қилинарди.

Touch ID’нинг қайтиши Apple мухлисларининг бир қисми учун яхши янгилик бўлиши мумкин. Кўпчилик бу усулни тезроқ ва қулайроқ деб ҳисоблайди.

Технологиялар тез ўзгараётган бугунги кунда энг сўнгги янгиликлардан хабардор бўлиш муҳим. Рақамли дунёда адашиб қолмаслик ва шундай янгиликларни биринчилардан билиш учун KUN.UZ Texnologiya Телеграм саҳифасини кузатиб боринг.

Тайёрлаган: Аббос Юсуфжонов

#Apple #Face ID #Touch ID