БМТнинг вазифасини АҚШ бажармоқда – Трамп

АҚШ президенти БМТни дунёда тинчлик ўрнатишда фаоллик кўрсатишга чақирди.

Фото: AP Photo / Alex Brandon

Бирлашган Миллатлар Ташкилоти Украина можаросини ҳал қилишда деярли қатнашмаяпти, деди АҚШ президенти Доналд Трамп.

"БМТ ҳозирда Россия ва Украина орасида содир бўлаётган фалокатни бартараф қилишга жуда кам ҳисса қўшди", — деб ёзди Truth Social ижтимоий тармоғида.

Америка етакчисининг сўзларига кўра, тинчлик ўрнатиш борасида мазкур бутунжаҳон ташкилотининг вазифасини АҚШ бажармоқда.

"Охирги 11 ой ичида мен тўхтатган саккизта уруш ва низолар боис эҳтимол АҚШ ҳақиқий Бирлашган Миллатлар Ташкилотига айланди. БМТ бутун дунёда тинчлик ўрнатишда фаол бўлиши керак", - дея қўшимча қилди у.

28 декабр куни Трамп Флоридада Украина президенти Володимир Зеленский билан учрашади.