Қўшимча функционаллар
-
Тунги кўриниш
“Авиасозлар деҳқон бозори” ҳудудидаги дўконда ёнғин чиқди
Тошкент шаҳар Яшнобод туманида жойлашган “Авиасозлар деҳқон бозори” АЖ ҳудудидаги дўконларнинг бирида ёнғин содир бўлди. Ёнғин қисқа вақт ичида бартараф этилди, жабрланганлар ҳақида маълумот йўқ.
Фото: Ижтимоий тармоқлар
4 январ куни соат 19:19 да “112” тизими орқали Тошкент шаҳар, Яшнобод тумани, Авиасозлар кўчасида жойлашган “Авиасозлар деҳқон бозори” АЖ ҳудудидаги дўконларнинг бирида ёнғин юзага келгани ҳақида ФВББга хабар келиб тушган.
Хабарга мувофиқ, 4 та ёнғин-қутқарув бўлинмаси соат 19:24 да воқеа жойига етиб борган. Ёнғин соат 19:29 да қуршаб олинган ва соат 19:34 да тўлиқ ўчирилган.
Ёнғин оқибатида дўконнинг тахминан 20 кв.м майдонда ички қисми ва шифти ёниб зарарланган. Ҳодиса натижасида тан жароҳати олганлар тўғрисида маълумот келиб тушмаган.
Айни пайтда ёнғин келиб чиқиш сабаби ҳамда етказилган зарар миқдори аниқланмоқда.
