Galaxy S26 Ultra тезроқ зарядланади

Янги Samsung Galaxy S26 Ultra ҳақидаги маълумотлар аста-секин ошкор бўляпти. Инсайдер Ice Universe’га кўра, флагманнинг энг муҳим янгилиги камера эмас, балки 60 Вт тезкор симли заряд бўлиши мумкин.

Фото: Galaxy S26 Ultra

Бу ҳозирги Galaxy S25 Ultra’даги 45 Вт билан солиштирганда сезиларли даражада тезкор. Идеал шароитда телефон 30 дақиқада 75% гача қувват олиши айтилмоқда. Албатта, реал ҳаётда натижа кабел ва ҳароратга боғлиқ бўлади.

Батарея сиғими борасида аниқ маълумот йўқ: 5000 ёки 5200 мА•соат атрофида бўлиши мумкин. Samsung янги флагманларини 2026 йил бошида тақдим этиши кутилмоқда.

Технологиялар тез ўзгараётган бугунги кунда энг сўнгги янгиликлардан хабардор бўлиш муҳим. Рақамли дунёда адашиб қолмаслик ва шундай янгиликларни биринчилардан билиш учун KUN.UZ Texnologiya Телеграм саҳифасини кузатиб боринг.