Ўзбекистонда 16 ёшгача болалари бор уй хўжаликлари улуши ошди

Миллий статистика қўмитасининг 2025 йил январ–декабр ойларида ўтказилган уй хўжаликлари танланма кузатувлари маълумотларига кўра, Ўзбекистонда 16 ёшгача болалари мавжуд бўлган уй хўжаликлари улуши 74,3 фоизга тенг бўлди.

Фото: ijtimoiyfikr.uz

Қайд этилишича, мазкур кўрсаткич аввалги йилларда ҳам деярли шу атрофда сақланиб келган. Хусусан, 2015 йилда 16 ёшгача болалари бор уй хўжаликлари улуши 74,2 фоизни, 2020 йилда 74,3 фоизни ташкил этган.

2024 йилда эса кўрсаткич 71,6 фоизгача пасайган. 2025 йил якунларига кўра, улуш яна 74,3 фоиз даражасига чиққан.

Мутахассислар бу каби танланма кузатувлар аҳоли таркиби, демографик ўзгаришлар ва уй хўжаликлари тузилмасидаги тенденцияларни баҳолашда муҳим аҳамиятга эга эканини таъкидлайди.