Эрон ҳукумати: АҚШ билан музокара олиб борилмайди

Эрон Миллий хавфсизлик олий кенгаши котиби Али Ларижоний Теҳрон Вашингтон билан музокара олиб бориш нияти йўқлигини билдирди.

“Биз Қўшма Штатлар билан музокара олиб бормаймиз”, — деб Ларижоний X ижтимоий тармоғида ёзди.

Аввалроқ The Wall Street Journal Ларижоний музокаралар ташаббуси билан чиққанини ва бу таклифни воситачилар орқали АҚШга етказганини ёзган эди.

АҚШ президенти Доналд Трамп The Atlantic’га айтишича, Эроннинг янги раҳбарияти ундан музокараларни қайта тиклашни сўраган ва у бунга рози. Трамп сўров ким томонидан билдирилганини аниқ айтмаган.

Али Ларижоний — урушнинг илк икки кунидан омон чиққан Эрон раҳбариятидаги энг юқори лавозимли шахслардан бири. Эроннинг олий раҳбари Али Хоминаий урушнинг биринчи кунида ўлдирилган, ҳозир мамлакатни вақтинчалик кенгаш бошқармоқда.