Фарғонада 90 туп тол ноқонуний кесилди

Бунинг оқибатида ўсимлик дунёсига 110 миллион сўмдан ортиқ зарар етказилган.

Фото: Ижтимоий тармоқлар

Фарғона вилояти Бувайда туманида кўп йиллик толлар кесилгани ҳақида ижтимоий тармоқларда хабар тарқалгач, вилоят Экология, атроф-муҳитни муҳофаза қилиш ва иқлим ўзгариши бош бошқармаси ушбу хабар юзасидан ўрганиш олиб борди.

Ўрганишлар давомида Бувайда тумани Марказий Фарғона чўли ҳудудида жойлашган “Қозоқовул 2018” фермер хўжалиги ер майдонида 90 туп кўп йиллик тол дарахтлари ноқонуний равишда кесилиб, шикаст етказилгани аниқланди.

Бунинг оқибатида ўсимлик дунёсига 110 миллион сўмдан ортиқ зарар етказилган.

Бошқарма хабарига кўра, ушбу ҳолат юзасидан тўпланган ҳужжатлар суд органларига юбориш босқичида.