Қурилиш соҳасида кичик корхоналар етакчи ўринни эгалламоқда

Ўзбекистонда қурилиш ишларининг асосий қисми кичик корхона ва микрофирмалар ҳиссасига тўғри келмоқда. 2026 йил январ ойида ушбу тоифадаги корхоналар томонидан қарийб 6 трлн сўмлик қурилиш ишлари бажарилди.

Фото: Kun.uz

Миллий статистика қўмитаси маълумотларига кўра, мазкур кўрсаткич ўтган йилнинг мос даврига нисбатан 11,3 фоизга ўсган.

Қурилиш ишлари ҳажмининг корхоналар турлари бўйича тақсимотига кўра, кичик корхона ва микрофирмалар — 46 фоиз улуш билан етакчилик қилмоқда. Шунингдек, норасмий сектор — 30,9 фоиз, йирик корхоналар эса — 23,1 фоизни ташкил этган.

Мазкур маълумотлар мамлакатда қурилиш соҳасида кичик бизнес субъектларининг фаоллиги ортиб бораётганини кўрсатмоқда.