Эрон АҚШ Citibank’ининг БАА ва Баҳрайндаги бўлимларига зарба берди

Ислом инқилоби қўриқчилари корпуси бу ҳужумларни Эроннинг икки банкига берилган зарбаларга жавоб деб атади.

Фото: Tasnim

Американинг Дубай ва Баҳрайн пойтахти Манамада жойлашган Citibank банки бўлимларига дронлар ёрдамида ҳужум қилинди. Бу ҳақда Tasnim агентлиги хабар берди.

«Америка банки бўлимларига ҳужум душманнинг Эроннинг икки банкига нисбатан тажовузига жавоб сифатида амалга оширилди ва агар душман бундай ҳаракатни яна такрорласа, Американинг минтақадаги барча банк бўлимлари бизнинг қонуний нишонимизга айланади»,— деди ИИҚК вакили Али Муҳаммад Наиний.

11 март куни Теҳрондаги Sepah Bank ракета ҳужумига учради, деб хабар берганди Iran International телеканал. Телеканалнинг маълумот беришича, банк биноси вайрон бўлган.

The Wall Street Journal нашрининг ёзишича, Sepah Bank Эрон хавфсизлик кучларига маош тўлайди.

Тайёрлаган Дилшодбек Асқаров

#АҚШ #Эрон #банк

Эрон ядро дастури бўйича музокаралар расман тугамай туриб, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди.