Фазлиддин Саломов Экополиция бошлиғининг ўринбосари лавозимига тайинланди

Президент администрацияси раҳбарининг фармойиши билан Фазлиддин Ибодуллаевич Саломов Экология ва иқлим ўзгариши миллий қўмитаси раисининг ўринбосари – Давлат экологик назорат инспекцияси (Экополиция) бошлиғининг ўринбосари лавозимига тайинланди.

Фото: Kun.uz

Маълум қилинишича, мазкур тайинлов экология соҳасида давлат назоратини янада кучайтириш ва экологик хавфсизликни таъминлашга қаратилган тизимли ислоҳотлар доирасида амалга оширилди.

Фазлиддин Саломов 1966 йилда Тошкент шаҳрида туғилган. Олий маълумотли мутахассис бўлиб, 1990 йилда Тошкент халқ хўжалиги институтини тамомлаган. Шунингдек, 2007 йилда Тошкент давлат юридик институтини ҳам битирган.

У давлат бошқаруви тизимида кўп йиллик тажрибага эга. 2011 йилда “Фидокорона хизматлари учун” ордени билан тақдирланган.

Сўнгги йилларда мамлакатда экологик назоратни кучайтириш мақсадида Давлат экологик назорат инспекцияси (Экополиция) ташкил этилган бўлиб, у атроф-муҳитни муҳофаза қилиш ва қонунбузилишларнинг олдини олишда муҳим ўрин тутади.