«Сирдарё» постида ҳаракат қайта йўлга қўйилди

Қозоғистоннинг «Атамекен» чегара божхона постида қурилиш ишлари якунлангач, Сирдарё вилоятидаги «Сирдарё» чегара божхона пости орқали енгил автотранспорт воситалари ва фуқаролар ҳаракати қайта тикланди.

Ўзбекистон–Қозоғистон давлат чегарасида жойлашган Қозоғистоннинг «Атамекен» чегара божхона постида қурилиш ишлари якунланиши муносабати билан Сирдарё вилоятидаги «Сирдарё» чегара божхона пости орқали енгил автотранспорт воситалари ҳамда фуқаролар ҳаракати қайта тикланди.

Эндиликда мазкур йўналиш орқали чегарадан ўтиш жараёнлари фуқаролар учун янада енгиллаштирилиб, қулай ва тезкор ҳаракатланиш имконияти яратилди.

Шу билан бирга, масъуллар фуқаролардан чегара божхона пости орқали ҳаракатланишда белгиланган тартиб-қоидаларга қатъий риоя қилишни сўрамоқда.