Қашқадарёда табиатга 248 млрд сўмдан ортиқ зарар етказилди

Ғузор туманидан оқиб ўтувчи Қашқадарё дарёси ҳудудида гўёки балиқ кўли ташкил этиш баҳонасида қум-шағал аралашмаси ноқонуний қазиб олиниб, сотиб келинаётганлиги аниқланди.

Экология ва иқлим ўзгариши миллий қўмитаси Давлат экологик назорат инспекцияси (Экополиция) ҳамда Қашқадарё вилояти ИИБ томонидан тунги рейд тадбири ўтказилди.

Қашқадарё вилояти Ғузор туманидан оқиб ўтувчи Қашқадарё дарёси ҳудудида олиб борилган рейд давомида мораторий жорий қилинганлигига қарамасдан, ҳуқуқбузар томонидан гўёки балиқ кўли ташкил этиш баҳонасида қум-шағал аралашмаси ноқонуний қазиб олиниб, сотиб келинаётганлиги аниқланди.

Ҳолат натижасида табиатга 248 миллиард сўмдан ортиқ зарар етказилгани маълум бўлди.

Ҳозирда барча зарурий ҳужжатлар расмийлаштирилиб, қонуний чора кўриш учун ҳуқуқни муҳофаза қилувчи органларга юбориш чоралари