Соғлиқни сақлаш вазири ўринбосарлари ҳам алмашди

Соғлиқни сақлаш вазири Асилбек Анварович Худоёров ортидан унинг уч нафар ўринбосари ҳам ишдан кетди.

Президент матбуот хизмати хабар беришича, Алишер Шукруллаевич Бобоев бошқа ишга ўтиши муносабати билан Ўзбекистон Республикаси соғлиқни сақлаш вазири биринчи ўринбосари лавозимидан;

Элмира Иркиновна Боситхонова бошқа ишга ўтиши муносабати билан Ўзбекистон Республикаси соғлиқни сақлаш вазири ўринбосари лавозимидан;

Фарҳоджон Муҳаммаджонович Тошпўлатов бошқа ишга ўтиши муносабати билан Ўзбекистон Республикаси соғлиқни сақлаш вазири ўринбосари лавозимидан озод этилди.

Вазирликнинг олдинги раҳбариятидан биргина биргина Олим Муродуллаевич Омонов вазир ўринбосари сифатидаги лавозимини сақлаб қолган. 

Ўз навбатида, вазирликка беш нафар янги ўринбосар тайинланган.

Хусусан, Алишер Бобоев ўрнига Отабек Суннатович Имомов вазирнинг биринчи ўринбосарига айланди.

Бундан ташқари:

Жалолиддин Шарофутдинович Асамутдинов – комплаенс ва ички антикоррупцион назорат бўйича вазир ўринбосари;

Адхам Юсупович Худайкулов – вазир ўринбосари;

Шерзод Дилмуратович Муҳамедов – вазир ўринбосари;

Илҳомжон Ўринбой ўғли Умурзақов – вазир ўринбосари (у бунга қадар иқтисодиёт ва молия вазири ўринбосари – Давлат-хусусий шерикликни ривожлантириш департаменти директори лавозимида ишлаган).