Octobank Global Banking & Finance Awards 2026 талқинига кўра "Энг яхши рақамли банк" ва "Ўзбекистонда ғазначилик операциялари бўйича энг яхши банк" деб топилди

"Octobank" АЖ нуфузли Global Banking & Finance Awards 2026 мукофоти совриндори бўлди ва минтақада банк фаолиятининг иккита стратегик йўналиши бўйича халқаро эътирофга сазовор бўлган кам сонли банклар қаторига кирди.

Мукофотлаш натижаларига кўра, банк қуйидаги номинациялар бўйича ғолиб бўлди:

* Best Digital Bank Uzbekistan 2026 — «Ўзбекистоннинг 2026 йилдаги энг яхши рақамли банки»;

* Best Bank for Treasury Activities Uzbekistan 2026 — «2026 йилда ғазначилик операциялари бўйича Ўзбекистоннинг энг яхши банки».

"Best Digital Bank Uzbekistan 2026" мукофоти банкнинг рақамли молиявий хизматларни ривожлантириш ва мижозлар учун халқаро имкониятларни кенгайтириш борасидаги фаолиятини эътироф этади.

Асосий йўналишлардан бири хорижда ишлаётган, ўқиётган ва бизнес юритаётган Ўзбекистон фуқаролари учун трансчегаравий тўлов хизматларини ривожлантириш бўлди. 2025-2026 йилларда Octobank Қозоғистоннинг энг йирик fintech иловаси Kaspi.kz ва Жанубий Кореянинг E9pay тўлов платформаси орқали Ўзбекистонга тўғридан-тўғри пул ўтказмаларини ишга туширди, бу эса халқаро ўтказмаларни янада тезроқ, қулайроқ ва ҳамёнбоп қилди.

Шу билан бирга, банк Octo-Mobile рақамли платформасини ривожлантиришни давом эттирди. Фойдаланувчиларга JETT платформаси орқали инвестиция имкониятлари, Alipay+ асосидаги халқаро тўлов хизматлари, шунингдек, MyID Palm кафти билан биометрик тўлов қилишнинг инновацион технологияси тақдим этилди. Бугунги кунда Octobank мижозлар базаси 3,6 миллиондан ортиқ.

Иккинчи мукофот - "Best Bank for Treasury Activities Uzbekistan 2026" - банкнинг ғазначилик инфратузилмасини ривожлантиришдаги ютуқларини таъкидлайди. Сўнгги йилларда Octobank ўз вакиллик тармоғини кенгайтирди ва Money Market, FX Market, Interbank Deposit Market, Derivatives Market ва Custody Market молия бозорларида ғазначилик воситалари билан ишлаш тизимини яратди, бу эса мижозларга Bloomberg ва Refinitiv платформалари орқали Шимолий Америка, Европа, Лотин Америкаси, Яқин Шарқ ва ASEAN мамлакатлари молия бозорларига тўғридан-тўғри киришни таъминлади.

Банк, шунингдек, Ҳиндистон, Сингапур, Жанубий Корея ва АҚШ билан халқаро ҳамкорликнинг янги йўналишларини ривожлантирмоқда. Вакиллик тармоғининг кенгайиши халқаро ҳисоб-китоблар тезлигини ошириш, транзакция харажатларини камайтириш ва ташқи иқтисодий фаолият билан шуғулланувчи мижозлар учун қўшимча имкониятлар яратиш имконини беради.

“Биз халқаро экспертлар ҳамжамиятидан Octobank ютуқларини юқори баҳолаганлари учун миннатдормиз. Бир вақтнинг ўзида иккита Global Banking & Finance Awards мукофотини қўлга киритиш замонавий рақамли хизматлар ва халқаро молиявий инфратузилмани ривожлантиришга асосланган стратегиямизнинг самарадорлигини тасдиқлайди.

Биз халқаро ҳамкорликни кенгайтириш, технологияларга сармоя киритиш ҳамда Ўзбекистонда ва ундан ташқарида мижозлар ва бизнес учун янги имкониятлар яратишда давом этамиз," - деди Octobank бошқаруви раиси ўринбосари Сардор Шавқиев.

Global Banking & Finance Awards мукофоти 2011 йилда таъсис этилган бўлиб, жаҳон молия ҳамжамиятининг инновациялари ва ютуқларини эътироф этади. Иштирокчилар инновацион амалиётлар ва ёндашувларни ривожлантиришдаги муҳим натижалари учун тақдирланади.

 Реклама ҳуқуқи асосида