Сергей Корецкий Украинанинг янги бош вазири этиб тайинланди

Украина Олий Радаси аввалроқ «Нафтогаз Украина» компаниясини бошқарган Сергей Корецкийни бош вазир этиб тайинлади.

Унинг номзодини 289 депутат қўллаб-қувватлади, бир депутат қарши овоз берди, яна 21 депутат овоз беришда иштирок этмади.

Корецкий 2025 йил июль ойидан бери ҳукуматни бошқарган ва яқинда истеъфога чиққан Юлия Свириденко ўрнини эгаллади.

Сергей Корецкий 1978 йил 14 мартда Луцкда туғилган. У 2025 йил апрель ойидан буён «Нафтогаз» бошқаруви раиси лавозимида ишлаган, бунгача эса уч йил давомида «Укрнафта» компаниясини бошқарган.