Хитой энг узун темирйўл кўприклари бўйича дунёда етакчилик қилмоқда

Дунёдаги энг узун етти темирйўл кўпригидан олтитаси Хитой ҳудудида жойлашган. Улар мамлакатнинг юқори тезликдаги темирйўл тармоғини ривожлантириш стратегиясининг муҳим қисми бўлиб, поездларнинг соатига 350 километргача тезликда ҳаракатланишига шароит яратади.

Фото: Getty Images

Рейтингдаги сўнгги ўринни Пекин катта кўприги (Beijing Grand Bridge) эгаллайди. У Пекин–Шанҳай юқори тезликдаги темирйўл магистралининг муҳим иншоотларидан бири ҳисобланади.

Кўприкнинг узунлиги 48,2 километрни ташкил этади. Гарчи у рейтингдаги бошқа йирик иншоотларга нисбатан қисқароқ бўлса-да, у ҳанузгача дунёдаги энг йирик темирйўл кўприкларидан бири саналади.

Иншоот пойтахт атрофида тез суръатларда кенгайиб бораётган шаҳар агломерацияси орқали поездларнинг узлуксиз ва юқори тезликда ҳаракатланишини таъминлаш мақсадида қурилган. Шунингдек, у автомобил йўллари, шаҳар инфратузилмаси ва мавжуд темирйўл тармоқлари билан кесишувларни минимал даражага тушириш имконини беради.

Рейтинг Хитойнинг юқори тезликдаги темирйўл тармоғи қай даражада жадал ривожланганини яққол намоён этади. Дунёдаги энг узун етти темирйўл кўпригидан олтитаси айнан шу мамлакатда жойлашган.

Бу кўприкларнинг аксарияти Пекин–Шанҳай юқори тезликдаги темирйўл магистрали таркибига киради. Уларда қурилган узун эстакадалар поездларнинг соатига 350 километргача тезликни пасайтирмасдан узоқ масофаларни босиб ўтишига хизмат қилади. Бундай ечим нафақат ҳаракат самарадорлигини оширади, балки атроф-муҳитга таъсирни ҳам камайтиришга ёрдам беради.