Nyu-York shtatida koronavirusga chalinganlar soni 180 mingdan ortiq bo‘lib, birgina Nyu-York shahrida 7 mingga yaqin kishi vafot etgan.
Nyu-York ko‘chalari bugun / Foto: Reuters
Nyu-York meri Bill de Blazio kasalxonaga yotqizilgan bemorlar va koronavirusga chalinishlar soni kamayganligini ma'lum qildi.
Uning so‘zlariga ko‘ra, 11 aprel kuni Nyu-York kasalxonalariga koronavirusga gumon qilinib 383 kishi yotqizilgan.
"Bundan bir kun oldin ularning soni 463ta edi – bu sezilarli yaxshilanish, to‘g‘ri yo‘nalishdagi qadam", - dedi de Blazio.
Blazioning aytishicha, intensiv davolash bo‘limlaridagi bemorlar soni 11 aprel holatiga 835 nafarni tashkil etgan, 10 aprel kuni ular 857 nafar bo‘lgan.
So‘nggi ma'lumotlarga ko‘ra, Nyu-York shtatida koronavirusga chalinganlar soni 180 mingdan ortiq bo‘lib, birgina Nyu-York shahrida 7 mingga yaqin kishi vafot etgan.
