Қўшимча функционаллар
-
Тунги кўриниш
Хонада газ ҳиди йўқлигига амин бўлмагунча, электр жиҳозларини ёқманг — “Ҳудудгазтаъминот”
Компания икки контурли иситиш қозонларидан фойдаланишда ҳушёрроқ бўлишга чақирди.
Фото: Kun.uz
“Ҳудудгазтаъминот” АЖ республикада электр энергияси билан боғлиқ узилишлар боис табиий газ истеъмолчиларига мурожаат билан чиқди.
“Ҳурматли табиий газ истеъмолчилари!
Республикамиз бўйлаб электр энергияси таъминотида узилишлар кузатилмоқда.
Шу сабабли хонадонингиздаги газ жиҳозларига янада эътиборли бўлишингизни сўраб қоламиз.
Хонага кирганингизда газ ҳиди йўқлигига ишонч ҳосил қилмагунча, электр жиҳозларини ёқманг.
Кўп қаватли уйларда ўрнатилган замонавий электр жиҳозларидан, икки контурли иситиш қозонларидан фойдаланишда ҳушёрроқ бўлишингизни илтимос қиламиз.
Агар газ иситиш қозонингиз ертўлада жойлашган бўлса, албатта, уни қайта кўздан кечирган ҳолда фойдаланинг.
Агар хонадонингиздаги газ жиҳозларидан газ сизиб чиқиш ҳолатини сезсангиз, зудлик билан хоналарни шамоллатиш чораларини кўринг ва 104 авария диспетчерлик хизматига мурожаат қилинг”, – дейилади расмий ахборотда.
Ўзбекистонда блэкаут
Мавзуга оид
16:16 / 05.11.2024
«Ҳудудгазтаъминот» кунлик газ истеъмолини кузатиб бориш имконини берувчи ботни ишга туширди
10:20 / 30.10.2024
Зангиотада газдан ноқонуний фойдаланган шахслар ушланди
15:54 / 29.10.2024
Тошкент туманидаги қарийб 43 минг хонадонда номаълум муддатга газ ўчирилади
16:23 / 28.10.2024