Катта футбол болаликдаги орзудан бошланади. Kia билан биргаликда — Футбол бўйича FIFA 2026™ жаҳон чемпионатига

Футбол бўйича FIFA 2026™ жаҳон чемпионати — миллионлаб инсонлар орзу қиладиган воқеа. Ўзбекистонлик бир бола учун эса бу орзу Kia билан бирга рўёбга чиқиши мумкин. Танлов ғолиби ва унга бир нафар катта ёшли ҳамроҳ билан Футбол бўйича FIFA 2026™ жаҳон чемпионатига унутилмас саёҳат кутмоқда.

Танловнинг мукофот жамғармаси бир нафар ғолиб ва бир нафар катта ёшли ҳамроҳ учун Футбол бўйича FIFA 2026™ жаҳон чемпионатига иккита йўлланма, шунингдек, 2026 йил 23 июн куни Хюстон шаҳрида (АҚШ) бўлиб ўтадиган расмий ўйин вақтида тўпни майдонга олиб чиқиш ҳуқуқини ўз ичига олади.

Танловда 10 ёшдан 14 ёшгача бўлган болалар иштирок этиши мумкин.

Йўлланма бўйича саёҳат таркиби:

• халқаро ва ички авиапарвозлар;

• меҳмонхоналарга жойлашиш;

• аэропорт – меҳмонхона – аэропорт трансфери;

• Футбол бўйича FIFA 2026™ жаҳон чемпионатига чипталар.

Овқатланиш, шахсий харажатлар, шунингдек, виза расмийлаштириш билан боғлиқ харажатларни иштирокчилар ўзлари тўлайди. Саёҳатни ташкил этиш ва ғолибни кузатиб бориш Kia томонидан таъминланади.

Иштирок шартлари

Танловда иштирок этиш учун қуйидагилар талаб этилади:

● «Kia билан бирга Футбол бўйича FIFA 2026™ жаҳон чемпионатига» мавзусида боланинг истеъдодини (ҳар қандай турда) намоён этадиган 15-30 сониялик Reels форматдаги видеоролик яратиш;

● Instagram ижтимоий тармоғида боланинг васийси саҳифасида танлов ташкилотчисининг @kia__uzbekistan расмий аккаунтини белгилаб, #KiaKidsFIFA2026 хештегини кўрсатган ҳолда видеоролик жойлаштириш;

● васийнинг алоқа маълумотлари ва жойланган видеога ҳаволани кўрсатган ҳолда www.kia.uz расмий веб-сайтидаги иштирокчи шаклини тўлдириш.

Ғолиб қандай аниқланади

Танловда битта ғолиб аниқланади. Ғолибни аниқлаш икки босқичда амалга оширилади.

Техник саралаш:

Барча видеолар танлов шартларига мувофиқлиги бўйича мажбурий модерациядан ўтади:

● иштирокчининг ёши — 10-14 ёш;

● битта иштирокчидан битта видео;

● видеони жойлаштириш шартларига риоя қилинган:

– расмий хештег;

– Kia аккаунти белгиланган;

– очиқ профиль;

● kia.uz сайтидаги иштирокчи шакли тўлдирилган.

Ҳакамлар ҳайъати баҳолаши:

● Ҳар бир иш 5 та асосий мезон бўйича баҳоланади;

● Ҳар бир мезон бўйича баҳолаш — 1 дан 10 баллгача.

Баҳолаш мезонлари:

● Креативлик — ғоянинг қанчалик ўзига хос, ноодатий ва қизиқарли экани;

● Футбол мавзуси — футбол билан боғлиқликнинг мавжудлиги ва сифати;

● Ҳиссийлик — видео ҳис-туйғуларни уйғотадими: қувонч, илҳом, табассум;

● Боланинг мустақиллиги — боланинг истеъдод ва ғояни ўзи намоён этгани қай даражада кўринади (ўзи ўйлаб топган, чизган, рақсга тушган, ўйнаган ва ҳ.к.);

● Тақдим этиш ва формат — видеонинг яхлитлиги, ғоянинг тушунарлилиги, тақдим этиш ва қабул қилиш сифати.

Ғолибни аниқлаш:

● Ҳакамлар ҳайъатининг ҳар бир аъзоси барча мезонлар бўйича балл қўяди;

● Барча баллар умумлаштирилади;

● Энг кўп умумий балл тўплаган иштирокчи ғолиб бўлади.

Баллар тенг бўлган тақдирда ҳал қилувчи овоз Kia бош офиси вакилида қолади.

Танлов ҳақида

Болалар танлови Kia брендининг Футбол бўйича FIFA 2026™ жаҳон чемпионати билан глобал ҳамкорлиги доирасида ўтказилиб, болаларнинг иқтидори, ижодкорлиги ва спортга бўлган қизиқишини қўллаб-қувватлашга қаратилган.

Иштирок этишнинг батафсил шартлари, ўтказиш муддатлари ва ғолибни аниқлаш қоидалари билан www.kia.uz расмий сайтида танишиш мумкин.

Катта футбол болаликдаги орзу, ота-онанинг қўллаб-қувватлаши ва ўзига бўлган ишончдан бошланади.

Видео ёзиб олинг, фарзандингизни қўллаб-қувватланг ва унга Kia билан бирга Футбол бўйича FIFA 2026™ жаҳон чемпионати майдонига чиқиш имкониятини тақдим этинг.

 Реклама ҳуқуқи асосида