Bloomberg: Goldman Sachs Каддафий жамғармаси бўйича ишда ютиб чиқди

Goldman Sachs Ливия давлат жамғармасининг (LIA) 1,2 млрд доллар тўлаш талаби бўйича суд ишини ютиб чиқди, деб хабар бермоқда Bloomberg ахборот агентлиги. 

2014 йилда LIA ҳамкорлик доирасида йўқотилган маблағларни қайтариш талаби билан  Goldman Sachs устидан судга шикоят қилган. Ушбу иш бўйича тафтишлар 2016 йил июнида бошланганди.

Ливия Goldman Sachs’ни мамлакатнинг собиқ раҳбари Муаммар Каддафий вақтидаги амалдорларни сотиб олиш, жамғармага аввалдан зиёнли эканлиги маълум бўлган қимматбаҳо қоғозларни сотиш ва жамғарма раҳбарларининг тажрибасизлигидан ўз мақсадларида фойдаланишда айблади. 

Лондон суди инвестицион банк миллиард доллардан кўпроқ маблағ йўқотган ливиялик амалдорларни "лақиллатмаганлиги" ҳақидаги ҳукмни чиқарди. Судья Вивьен Роуз банк баҳслашилаётган битимлардан бирортасида катта даромад олганига исботлар йўқлигини айтди.

Жамғарма вакиллари суднинг қароридан ҳафсалалари пир бўлгани, бироқ кейинги қадамларини эълон қилишга тайёрмасликларини айтишди.