Москвадаги терактдан кейин мигрантлар яшайдиган ётоқхоналарда рейдлар ўтказилди

Полиция хорижлик мигрантларда қурол бор-йўқлигини текширмоқда.

Москвадаги «Крокус Сити Холл» концерт залидаги терактдан кейин мигрантлар истиқомат қиладиган ётоқхоналарда оммавий рейдлар бошланди. Бу ҳақда «112» телеграм-канали хабар берди.

Манбаларга кўра, Тверской тумани Минаевский кўчасидаги ётоқхона ёнида полиция ва маҳбуслар учун мўлжалланган махсус машиналар йиғилган. Хавфсизлик кучлари хорижлик мигрантларда қурол бор-йўқлигини текширмоқда.

Шу билан бирга, йўлдаги автомобиллар устидан назорат ҳам кучайтирилган. Гувоҳларнинг қайд этишича, полиция вакиллари аллақачон бир гуруҳ мигрантларни ҳибсга олган.

Аввалроқ, «Крокус Сити Холл» концерт залига ҳужум уюштирганлар асли Тожикистон фуқаролари экани ҳақида маълумотлар пайдо бўлган эди. «112» манбасига кўра, гумонланувчилар қўшни давлатлардан бўлиб, Россия паспортини олган. Кейинроқ, Россия ИИВ гумондорларнинг барчаси хориж давлати фуқаролари эканини маълум қилди.

#теракт #Россия #мигрант

Россиянинг Москва вилояти, Красногорск шаҳридаги «Крокус Сити Холл» концерт залида отишма юз берди. Маҳаллий ОАВ хабарларига кўра, номаълум шахслар автомат милтиқдан одамларга қарата ўқ узган.