Фото: Германия ҳайвонот боғидаги оқ шер болалари

6 февраль куни Германия шарқидаги Магдебург шаҳри ҳайвонот боғига ташриф буюрганларга ноёб оқ шер болалари кўрсатилди. Боғ маъмуриятининг аниқлик киритишича, жониворлар альбинослар эмас, уларнинг ранги эса генетик ўзига хослик билан боғлиқ.

Тўртта шер боласи 2016 йилнинг 25 декабрь куни туғилган, бироқ ҳайвонот боғи ходимлари уларга эндигина шерлар қафасини ўрганиб чиқиш имконини беришди. Ҳар бир жонивор олти килограмм вазнга эга бўлиб, тез ўсмоқда. Бу ҳақда Associated Press агентлиги хабар берди.