Бахмут атрофидаги позициялар ва Москвада тўр тўқиётган болалар. Уруш суратлари

Украинадаги урушнинг 694-куни ўтди. Асосий маълумотлар:

РФ мудофаа вазирлиги Донецк областидаги Веселе қишлоғи эгаллангани ҳақида маълум қилди. Украина ҳозирча бу баёнот юзасидан изоҳ бермаган.
НАТО совуқ уруш давридан буён 90 мингга яқин ҳарбий иштирокидаги энг йирик машғулотларини ўтказади.
Айбловчи томон Игор Стрелков (Гиркин) учун тўрт йил-у 11 ойлик қамоқ жазоси сўради.
Эстония ҳукумати Москва патриархати Эстония православ черкови раҳбарининг яшаш рухсатномаси муддатини узайтирмасликка қарор қилди. У мамлакатни тарк этишига тўғри келади.
Вологодская областида ҳуқуқ фаоли Григорий Винтер Россия армияси тўғрисида «фейк» тарқатгани учун уч йилга қамалди. У диабет касаллиги туфайли энди озодликка чиқа олмаслигидан хавотирланмоқда. Ҳукм ўқилишидан олдинроқ Винтер Владимир Путинга мурожаат йўллаб, агар қамоқ жазоси бериладиган бўлса, унга кўнгилли равишда эвтаназия қилишга рухсат берилишини сўраганди.
Европарламент Венгрияни Украинага ёрдамни блоклагани учун танқид қилди ва 30 миллиард евролик ёрдамни тўхтатиб қўймасликка чақирди.
РФ мудофаа вазирлиги илк марта Ленинград области осмонида дрон уриб туширилгани ҳақида хабар берди. Белгород области раҳбари эса ҳаво ҳужумидан мудофаа кучлари 10 та ракета уриб туширилгани ҳақида маълум қилган.

Украинларнинг Бахмут атрофидаги ҳаво ҳужумидан мудофаа тизими