Қўшимча функционаллар
-
Тунги кўриниш
Тошкентга “гармошка” автобуслар март-апрел ойлари давомида олиб келинади
Хитойнинг 200 дона “King Long” русумли автобуси баҳорнинг дастлабки 2 ойи давомида олиб келиниши маълум қилинди. Ҳозирда транспортнинг биринчи партиясини ишлаб чиқариш жараёни якунланган.
Фото: Видеодан кадр
Транспорт вазирлигининг хабар беришича, Хитойнинг “Xiamen King Long United Automotive Industry Cо. Ltd” компаниясининг табиий газда ишлайдиган 18 метрли автобусларни ишлаб чиқариши давом этмоқда.
Ҳозирча жараённинг биринчи босқичи ниҳоясига етган, бу автобуслар март-апрел ойлари давомида Ўзбекистонга етказиб берилиши кутилмоқда.
Эслатиб ўтамиз, аввалроқ Хитойнинг “Yutong Bus Co Ltd” компаниясининг 12 метрли 500 дона автобуси ва 12 метрли 300 дона электробуси ҳам март-апрел ойларида етказиб берилиши, мартнинг охиригача шунинг 160 таси олиб келиниши эълон қилинганди.
Ундан олдин “Тошшаҳартрансхизмат” АЖ Маркетинг лойиҳалар ва ташқи иқтисодий алоқалар бўлими ходими Икром Шодиев эса Kun.uz мухбирига апрелгача Тошкентга Хитойдан мингта янги автобус олиб келинишини, шунинг 700 таси газда, 300 таси электрда юришини айтганди.
Маълумот учун, президентнинг “Жамоат транспорти тизимини ислоҳ қилиш чора-тадбирлари тўғрисида”ги қарорида Тошкент шаҳри жамоат транспорти учун 200 дона 18 метрли ва 500 дона 12 метрли табиий газда ишлайдиган автобуслар ҳамда 300 дона 12 метрли электробуслар харид қилиниши белгиланган.
Мавзуга оид
21:21 / 13.11.2024
Урганчга Хитойдан 30 дона замонавий автобус олиб келинди
20:17 / 13.11.2024
Покистонда тўй автобуси дарёга қулаши оқибатида 22 киши ҳалок бўлди
18:38 / 13.11.2024
“Шароитидан ҳам, ўқитувчиларидан ҳам қўрқиб кетдим” — Тошкентдаги ўқув марказидан одамлар норози
09:26 / 13.11.2024