Ўзбекистонда яна ер қимирлади

3 апрел куни Афғонистонда содир бўлган зилзила кучи Ўзбекистоннинг бир қатор ҳудудларида сезилди, дея хабар бермоқда ФВВ Сейсмопрогностик мониторинг маркази

Соат 21:12 да кузатилган ер силкиниши эпимаркази Тошкентдан 526 км жануби-шарқда жойлашган. Магнитудаси 6, чуқурлиги 207 км.

Зилзила Ўзбекистон вилоятларида қуйидагича сезилди:

• Сурхондарё вилоятида 3 балл, 314 км;
• Фарғона вилоятида 3 балл, 420;
• Наманган вилоятида 2–3 балл, 485 км;
• Андижон вилоятида 2–3 балл, 477 км;
• Сирдарё вилоятида 2–3 балл, 457 км;
• Тошкент вилоятида 2–3 балл, 520 км;
• Тошкент шаҳрида 2–3 балл, 526 км.

Бу кун давомидаги иккинчи бор ер силкиниши бўлмоқда. Кундузи Тожикистондаги зилзила кучи ҳам Ўзбекистон ҳудудларида сезилганди.