Тошкентда 25 декабрдан айрим кўчаларда ҳаракат вақтинча чекланади

Тошкент шаҳри Сергели туманида 2025 йил 25 декабр кунидан тун-у кун (24/7) фаолият юритадиган гастрономик туризм кўчасида янги йил тадбирлари ўтказилиши муносабати билан қатор кўчаларда транспорт воситалари ҳаракати вақтинча чекланади.

Хусусан, қуйидаги участкаларда ҳаракатга чеклов киритилади:

• Сўғдиёна кўчаси — Янги Сергели кўчаси кесишмасидан Жалойир ва Бағрикенг кўчалари кесишмасигача бўлган қисми;
• Жалойир кўчаси — Сўғдиёна кўчаси кесишмасидан Обиҳаёт кўчаси кесишмасигача бўлган қисми.

Шунингдек, Бектемир туманида 2025 йил 25 декабрдан бошлаб Чирчиқбўйи кўчасининг маълум қисмида, “Coca-Cola Гарден” боғида ўтказиладиган байрам тадбирлари ҳамда фуқаролар хавфсизлигини таъминлаш мақсадида автомобиллар ҳаракати вақтинча чекланади.

Мазкур йўналишдан ҳаракатланувчи ҳайдовчиларга айланма йўллардан фойдаланиш, ҳаракатни олдиндан режалаштириш тавсия этилди.

Чеклов муддати: 2025 йил 25 декабрдан 2026 йил 10 январгача.