Чилонзорда Ал-Хоразмий кўчасининг бир қисми ёпилади

Тошкент шаҳрининг Чилонзор туманида Наврўз байрами муносабати билан ўтказиладиган тадбирлар сабаб Ал-Хоразмий кўчасининг бир қисми вақтинча транспорт ҳаракати учун ёпилади.

Фото: Тошкент шаҳар ҳокимлиги

Маълум қилинишича, Чилонзор туманидаги 24/7 Ал-Хоразмий янги сайр ва гастро туризм кўчасида Наврўз умумхалқ байрами муносабати билан “Халқ сайли” тадбири ташкил этилмоқда.

Шу муносабат билан Ал-Хоразмий айланма йўли қисмидан 2-Қатортол кўчасигача бўлган ҳудуд 20 март куни соат 15:00 дан 21 март куни соат 24:00 гача транспорт ҳаракати учун вақтинча ёпилади.

Мутасаддилар ҳайдовчилар ва йўловчилардан ҳаракат йўналишларини олдиндан режалаштиришни ҳамда муқобил йўллардан фойдаланишни сўрамоқда.

Вақтинчалик ноқулайликлар учун узр сўралган.