Қўшимча функционаллар
-
Тунги кўриниш
БухДУнинг «арзон совға берган» талабага пўписа қилган ўқитувчиси ишдан бўшатилди
Талаба 300 минг сўмлик «жуда арзон» совға бергани учун унга пўписа қилган Бухоро давлат университети ўқитувчиси ишдан бўшатилди. Бу ҳақда Олий ва ўрта махсус таълим вазирлигининг Телеграм каналида маълум қилинди.
«Ижтимоий тармоқларда тарқатилган Бухоро давлат университети ўқитувчисининг устоз шаъни ва мақомига хос бўлмаган хатти-ҳаракатига Олий ва ўрта махсус таълим вазирлиги эътибор қаратди.
Ўрганишлардан сўнг, мазкур ўқитувчи билан тузилган меҳнат шартномаси Ўзбекистон Республикаси Меҳнат кодексининг тегишли моддасига мувофиқ бекор қилинди.
Олий ва ўрта махсус таълим вазирлиги раҳбарияти тизимда коррупциянинг ҳар қандай кўриниши ҳамда манфаатлар тўқнашувига нисбатан муросасиз муносабатда бўлади ва шу кунларда олий таълим тизимида коррупцияга қарши «комплаенс назорат» тизими жорий этилаётганини маълум қилади», – дейилади хабарда.
Хабарда шунингдек, жамоатчилик назоратини амалга оширган ижтимоий тармоқлар вакиллари ва талабаларга миннатдорчилик билдирилган ҳамда бу ҳолат барча олий таълим муассасаларида муҳокама қилиниши билдирилган.
Аввалроқ, Бухоро давлат университети ўқитувчиси 8 март байрамида ўзига 300 минг сўмлик «жуда арзон» совға берган талабага пўписа қилгани ҳақида хабар берилганди.
Мавзуга оид
15:49 / 18.04.2022
Бухоро давлат университети ўқувчиларга касб танлаш имкониятини тақдим қилди
11:30 / 18.03.2022
Бухоро давлат университети талабалари учун “Карьера куни – 2022 меҳнат ярмаркаси”да 8000 дан ортиқ иш ўрни таклиф қилинди
14:17 / 16.12.2021
Бухоро давлат университетининг йигирма нафар педагог-ходимлари Қозонда малака оширди
19:53 / 15.11.2021