«Олтин тўп»га даъвогарлар рўйхати эълон қилинди

7 август куни France Football журнали 2025 йилги «Олтин тўп» учун номзодларни эълон қилди. Шунингдек, нашр «Копа Трофи» (энг яхши ёш ўйинчи), Яшин (энг яхши дарвозабон) ва Круифф (энг яхши мураббий) совринларига даъвогарлар рўйхатини ҳам очиқлади. Ғолиблар номи 22 сентябр куни Парижда маълум бўлади.

«Олтин тўп»

Номзодлар 30 нафар футболчидан иборат:

• Усмон Дембеле («ПСЖ», Франция)

• Жанлуиджи Доннарумма («ПСЖ», Италия)

• Жуд Беллингҳэм («Реал», Англия)

• Дезире Дуэ («ПСЖ», Франция)

• Дензел Думфрис («Интер», Нидерландия)

• Серу Гирасси («Боруссия» Дортмунд, Гвинея)

• Эрлинг Ҳоланд («Манчестер Сити», Норвегия)

• Виктор Гёкереш («Арсенал», Швеция)

• Ашраф Ҳакими («ПСЖ», Марокаш)

• Ҳарри Кейн («Бавария», Англия)

• Хвича Кварацхелия («ПСЖ», Гуржистон)

• Роберт Левандовски («Барселона», Полша)

• Алексис Макаллистер («Ливерпул», Аргентина)

• Лаутаро Мартинес («Интер», Аргентина)

• Скотт Мактоминей («Наполи», Шотландия)

• Килиан Мбаппе («Реал», Франция)

• Нуну Мендеш («ПСЖ», Португалия)

• Жоау Невеш («ПСЖ», Португалия)

• Педри («Барселона», Испания)

• Коул Палмер («Челси», Англия)

• Майкл Олисе («Бавария», Франция)

• Рафиня («Барселона», Бразилия)

• Деклан Райс («Арсенал», Англия)

• Фабиан Руис («ПСЖ», Испания)

• Виржийл ван Дейк («Ливерпул», Нидерландия)

• Винисиус Жуниор («Реал», Бразилия)

• Муҳаммад Салоҳ («Ливерпул», Миср)

• Флориан Вирц («Ливерпул», Германия)

• Витиня («ПСЖ», Португалия)

• Ламин Ямал («Барселона», Испания).

Дембеле – фаворит

Рўйхатда энг кўп футболчи «ПСЖ» вакиллари – бирданига 9 нафар. Бунинг ажабланадиган томони йўқ, нима бўлганда ҳам улар якунланган мавсумда требл қайд этиб, асосий триумфаторга айланишди. Тарихда фақат иккинчи бор якуний рўйхатдаги 30 даъвогардан 9 нафари бир жамоадан бўлмоқда. 2018 йилда ҳам номзодларнинг қарийб учдан бир қисми «Реал» вакиллари эди.

Топ-30 рўйхатдаги ягона дарвозабон ҳам Париждан, аммо у тақдирлаш маросимига қадар ушбу клуб аъзоси бўлиб қолиши факт эмас. Доннарумма ҳозирча клуби билан янги шартнома бўйича келишувга эриша олмаяпти.

«ПСЖ» ҳужум чизиғи етакчиларидан бири Усмон Дембелени кўпчилик букмекерлар «Олтин тўп»ни қўлга киритиш учун асосий фаворит сифатида кўрмоқда. Ундан кейинги ўринларда Ямал ва Салоҳ. Аммо ҳар қандай прогнозга эҳтиёткорлик билан ёндашиш лозим: ўтган мавсумда жуда кўпчилик «Олтин тўп»ни Винисиус олишини тахмин қилганди, аммо якунда Родри ғолиб чиқди.

«Манчестер Сити» яримҳимоячиси бу сафар шорт-листга ҳам кирмади: испаниялик футболчи 2024 йил сентябрида оғир жароҳат олганди ва фақат мавсум якунига келиб сафга қайтди.

«Копа Трофи»

«Копа Трофи» жаҳоннинг 21 ёшга тўлмаган энг яхши футболчисига берилади. 2024 йилда Ямал ғолиб чиққанди. Бу сафар номзодлар рўйхати қуйидаги 10 футболчидан иборат:

• Пау Кубарси («Барселона», Испания)

• Айюб Буадди («Лилл», Франция)

• Эстевао («Челси» / «Палмейрас», Бразилия)

• Дин Ҳаусен («Реал» / «Борнмут», Испания)

• Майлз Люис-Скелли («Арсенал», Англия)

• Родриго Мора («Порту», Португалия)

• Ламин Ямал («Барселона», Испания)

• Дезире Дуэ («ПСЖ», Франция)

• Жоау Невеш («ПСЖ», Португалия)

• Кенан Йилдиз («Ювентус», Туркия).

Ёзда 18 ёшини нишонлаган Ламин бу совринни икки марта қўлга киритган биринчи футболчи бўлиш учун ажойиб имкониятга эга. У ҳали узоқ вақт рекордларни янгилаши мумкин.

Яшин номидаги соврин

Жаҳоннинг энг яхши дарвозабонига бериладиган Лев Яшин номидаги мукофотни қаторасига икки йилдан буён Аргентина миллий жамоаси ва «Астон Вилла» клуби посбони Эмилиано Мартинес ўзиники қилиб келади. France Football бу сафар ҳам уни номзодлар рўйхатига қўшган:

• Алиссон («Ливерпул», Бразилия)

• Яссин Буну («Ал-Ҳилол», Марокаш)

• Люка Шевале («Лилл», Франция)

• Тибо Куртуа («Реал», Белгия)

• Жанлуиджи Доннарумма («ПСЖ», Италия)

• Эмилиано Мартинес («Астон Вилла», Аргентина)

• Ян Облак («Атлетико», Словения)

• Давид Райя («Арсенал», Испания)

• Матц Селс («Ноттингҳэм Форест», Белгия)

• Ян Зоммер («Интер», Швейцария).

Круифф номидаги соврин

Бу совринни дунёнинг энг яхши мураббийи қўлга киритади. 2024 йилда бу соврин Карло Анчелоттига («Реал») берилганди, бу сафар у номзодлар қаторида йўқ. France Football номзодлар рўйхатига қуйидаги беш нафар мураббийни киритган:

• Луис Энрике («ПСЖ», Испания)

• Ҳанс-Дитер Флик («Барселона», Германия)

• Антонио Конте («Наполи», Италия)

• Арне Слот («Ливерпул», Нидерландия)

• Энцо Мареска («Челси», Италия).

Тақдирлаш маросими қачон ва қаерда ўтказилади?

«Олтин тўп» тақдимоти тарихда тўртинчи марта календар йили эмас, мавсум якунлари бўйича ўтказилади. 2024 йил 1 августдан 2025 йил 31 июлгача бўлган давр ҳисобга олинади. Тантанали маросим 22 сентябр куни – анъанага кўра, Парижнинг Шатле театрида бўлиб ўтади.

Ўтган йили ташкилотчилар ҳакамлар ҳайъати таркибини қисқартиришганди. Эндиликда ФИФА рейтингининг топ-100 талигига кирган мамлакатлардан фақат 100 нафар журналист энг яхшилар учун овоз бериши мумкин. Илгари овоз берувчилар сони 170 нафаргача бўлган. Бундай ўзгариш France Football нашри ташаббуси билан амалга оширилди – бу қарор орқали мукофотнинг нуфузини ошириши кўзланган.