Франция миллий жамоаси ва «ПСЖ» клуби футболчиси Усмон Дембеле 2024-2025 мавсумининг энг яхши футболчиси сифатида France Football нашрининг «Олтин тўп» совринига эга бўлди. «ПСЖ» энг яхши клуб, Луис Энрике энг яхши мураббий деб топилди.
Франция пойтахти Парижнинг «Шатле» театрида France Football журнали томонидан «Олтин тўп» совринини топшириш маросими ўтказилди.
Усмон Дембеле – «Олтин тўп» соҳиби
Франция миллий жамоаси ва «ПСЖ» клуби аъзоси Усмон Дембеле мавсумнинг энг яхши футболчиси сифатида «Олтин тўп» совринига эга бўлди. У овоз бериш жараёни якунига кўра, асосий рақиби - «Барселона» аъзоси Ламин Ямални ортда қолдирди.
Луис Энрике – энг яхши мураббий
«ПСЖ» устози Луис Энрике мавсумнинг энг яхши мураббийи сифатида Йоҳан Кройфф номидаги мукофотга сазовор бўлди. Испаниялик мутахассис овоз бериш жараёнида Ҳанс-Дитер Флик («Барселона»), Энцо Мареска («Челси») ва Арне Слотни («Ливерпул») ортда қолдирди. Ўтган мавсумда «ПСЖ» Франция чемпионати, Кубоги, Суперкубоги, Чемпионлар Лигаси ва УЕФА Суперкубогида ғалаба қозонди, шунингдек, Клублар ўртасидаги жаҳон чемпионатида иккинчи бўлди.
Ламин Ямал – энг яхши ёш футболчи
