Ўзбекистон шаҳарларидаги нархлар жадвали: помидор ва бодринг нархи оша бошлади

Kun.uz’нинг Қорақалпоғистон Республикаси ва вилоятлардаги мухбирлари ўз ҳудудларидаги марказий деҳқон (озиқ-овқат) бозорларидаги нарх-наволар (11 октябрь) ҳақида маълумот тўплашди.

Одатга кўра, 10 турдаги озиқ-овқат ва шунча мева-сабзавот маҳсулотларининг ўртача нархлари тўплаб, тартибланди.

Ўтган ҳафтадаги нархларни солиштириш асносида бозорларда ўсимлик ва пахта ёғлари, шунингдек, шакар нархи ҳамон қимматлигича қолаётгани ойдинлашмоқда.

Мол гўшти энг қиммат жой (70 минг сўм) Самарқанд ва Наманганда сотилмоқда, энг арзони ҳам Тошкентнинг Юнусобод бозорида — 46 минг сўм. 1 кило қўй гўшти ҳам шу бозорда шу нархда сотилган. Товуқ гўшти энг арзон жой Урганч — 15 минг сўм.

Мева-сабзавотлар нархлари бозорларда бир-биридан кўп ҳам фарқ қилмайди. Помидор ва бодринг айрим ҳудудлар марказларида кескин қимматлаган.