“Фақат Рамазонда ишлайди” — Ёвқочар бозоридан репортаж

Марғилон шаҳрининг Ёвқочар маҳалласида бир йилда фақат бир ой ишлайдиган бозор бор. У аҳоли орасида Ёвқочар бозори номи билан машҳур. Эътиборлиси, бозор фақат Рамазон ойида ишлайди. Маҳаллий аҳолига кўра, бозор 50 йилдан бери шундай тартибда фаолият юритиб келади.

Ëвқочар бозори учун кимдир уйида ширмой нон ёпиб чиқарган, яна кимдир гўштли нон, кимлардир сомса ва нишолда. Хуллас, у ердан Рамазон таомларидан тортиб, салқин ичимлик-у калла-поча, ёпган нон ва нўхат шўрва – барча таомларни топиш мумкин. Бозор, айниқса аср намозидан кейин одамлар билан гавжум бўлади.

Маҳаллий аҳоли ифторик пайтигача бозорни бир айланиб чиқиб кетишни одат қилган. Бозорининг файзи, таровати бошқача.