26 мартдан Тошкентда иситиш мавсуми якунланади

Баҳорги илиқ кунлар бошлангани ва ҳарорат кўтарилиши муносабати билан 26 мартдан бошлаб Тошкент шаҳрида 2023-2024 йилги иситиш мавсуми тугалланади. Бу ҳақда пойтахт ҳокимлиги матбуот хизмати Kun.uz'га маълум қилди.

Фото: Kun.uz

Тошкент шаҳар ҳокимлигига кўра, бунда шаҳар гидрометеорология марказининг маълумотлари ва ўртача суткалик ҳарорат 10 даражадан юқори бўлаётганлиги инобатга олинган. Шунга мувофиқ, жорий йилнинг 26 март кунидан 2023-2024 йилги иситиш даври якунланиши кўзда тутилган.

Маълумот учун, Вазирлар Маҳкамасининг 2014 йил 15 июлдаги “Коммунал хизматлар кўрсатишни тасдиқлаш қоидалари тўғрисида"ги 194-сонли қарорига асосан иситиш даври ташқи ҳавонинг ўртача суткалик ҳарорати 8 даражадан юқори бўлган 5 кунлик давр тамом бўлган кундан кейинги кундан тамомланиши белгиланган.

Муаллиф: Дилшода Шомирзаева

#Тошкент #иситиш мавсуми