Қорақалпоғистон Ички ишлар вазири ўзгарди

Фото: ИИВ ахборот хизмати

Полковник Оринбаев Аманбай Тлеубаевич Қорақалпоғистон Республикаси Ички ишлар вазири лавозимига тайинланди. Бу ҳақда ИИВ Маънавий-маърифий ишлар ва кадрлар билан таъминлаш департаменти хабар берди.

Аманбай Оринбаев 2020 йил февралидан буён ИИВ Жамоат тартибини сақлаш хизмати бошлиғининг биринчи ўринбосари бўлган.

Маълумот учун, шу кунга қадар Айтбай Темирханов Қорақалпоғистон Ички ишлар вазири лавозимида ишлаган. Ҳозирда унинг қайси лавозимга ўтгани ҳақида маълумот берилмади.