Қўшимча функционаллар
-
Тунги кўриниш
Air Arabia Тошкентга тўғридан тўғри рейсни йўлга қўяди
Жорий йилнинг ноябрь ойидан бошлаб арабларнинг Air Arabia лоукостери Тошкентга тўғридан тўғри рейсни йўлга қўяди.
Фото: LiveJournal
Компания сайтида хабар қилинишича, «Шаржа-Тошкент» йўналиши бўйича биринчи рейс 4 ноябрь куни амалга оширилади.
Кейинчалик рейслар чоршанба ва шанба кунлари амалга оширилади. Чипта нархи - 200 АҚШ долларидан 246 АҚШ долларигача.
Эслатиб ўтамиз, аввалроқ «Ўзавиация» БАА авиакомпаниясига Ўзбекистонга мунтазам парвозларни амалга ошириш учун рухсатнома берганди.
Авиакомпания Ўзбекистонга парвозларни Airbus-320-214 ҳаво кемаларида амалга оширишини маълум қилди.
Air Arabia Шаржа ва Искандария аэропортларидан, шунингдек Марокашдаги тўртта аэропортдан Яқин Шарқ, Жануби-Шарқий Осиё, Европа ва МДҲга йўловчилар ташиш билан шуғулланувчи, бош қароргоҳи Шаржада жойлашган авиакомпаниядир.
Air Arabia’нинг кўплаб лоукостерлардан фарқи шундаки, у Шаржа шаҳридаги базавий аэропортда тўхтаб ўтиш билан йўналишлар ўртасида парвозларни таклиф қилади. Шунингдек, авиакомпания бепул багаж ташиш хизматини ҳам тақдим этади.
