Қўшимча функционаллар
-
Тунги кўриниш
Reuters: Уиткофф Москвада протоколни бузган
Москвага ташрифи чоғида Трампнинг махсус вакили Путиннинг талабларини ёзмаган, шу сабабли уларни Трампга нотўғри етказган, деб хабар беради Reuters.
Фото: REUTERS
АҚШ президентининг махсус элчиси Стив Уиткофф Россия президенти Владимир Путин билан Москвадаги учрашуви чоғида протоколни бузган ва одатда ёзиш ишларини амалга оширадиган Давлат департаменти вакилисиз учрашувга борган. Бу саросимага ва Уиткоффнинг Кремл позициясини нотўғри етказишига олиб келди, деб хабар берди Reuters 28 август, пайшанба куни бир неча манбаларга таяниб.
Уиткофф 6 август куни Москвада Путин билан учрашгандан сўнг АҚШ президенти Доналд Трампга Россия президенти Украинадаги урушни тугатиш учун муҳим ҳудудий имтиёзлар беришга тайёрлигини маълум қилди. Буни эшитган Трамп Путин билан саммит ўтказишга рози бўлди.
Эртаси куни Уиткофф бир қанча европалик етакчиларга Киев Донецк ва Луханскдан воз кечиши эвазига Путин Запорижжя ва Херсон вилоятларидан қўшинларни олиб чиқишга тайёрлигини айтди, деди Reuters агентлигига суҳбатдан хабардор манба. «Бу таклиф иштирокчиларни ҳайратда қолдирди», чунки у Путиннинг позициясига нисбатан ўз баҳоларидан кескин фарқ қилади, дейди тўрт манба, жумладан АҚШ ва Европа расмийлари.
Тинчлик музокаралари
