Одамларни транспорт воситасида ташиш қандай ҳолларда тақиқланади?

Фото: KUN.UZ

Одамларни транспорт воситасида ташиш баъзи ҳолатларда тақиқланади. Бу ҳақда “Ҳуқуқий ахборот” канали ёзмоқда.

Хусусан, бу қуйидаги ҳолларда тақиқланади:

автомобилнинг кабинасидан ташқарида (бортли юк ёки фургон-юкхонали автомобилларда одам ташишдан ташқари);

тракторлар ва бошқа ўзиюрар машиналар, юк ташиладиган тиркамалар, тиркама-уйча, юк мотоцикллари юкхонасида;

мотоциклларнинг конструкциясида кўзда тутилган жойларидан ташқарида;

12 ёшга тўлмаган болаларни мотоциклнинг орқа ўриндиғида, шунингдек енгил автомобилга болаларни ушлаб турувчи махсус қурилма ўрнатилмаган бўлса, унинг олдинги ўриндиғида;

12 ёшга тўлмаган болаларни ҳисобга олмаганда, одам сони транспорт воситасининг техник тавсифномасида кўзда тутилган миқдордан ортиқ бўлганда.

Эслатиб ўтамиз, аввалроқ ҳайдовчилик гувоҳномасини алмаштиришга қанча вақт кетиши маълум қилинганди.